買焗爐記~

我第一代焗爐是Delongi 超級細小型號的.
一開始我只是想焗下muffin, 芝士蛋糕, Cookie 等等,
但經過五年多的為食經歷.
便發現這細小的焗爐不夠我做方包, 因為焗爐太矮了!
而且我漸漸發現它的發熱線太近個盆,
但亦不能放在中間,
終於忍無可忍...決定買一個大0的的焗爐,
便可快快樂樂地焗!

就基於我心急的個性,
亦見好多烘焙學校都有用 "土豆牌" 焗爐,
便即刻在某店訂了 TOT-1280 28L ...
正當我懷著緊張的心情等待它來臨的時候....
我發現原來呢個牌子唔足溫!!!

於是它一到的時候, 我便掉了個溫度計係入面...
試了成個下午, 正如網友丫仔話,
200度得175度...250度得220度.
如開那所為的"對流風"便更差...
另外開了一整日還有陣陣嗅味...
我見情況不對路, 便打去間舖投訴!
經過前後三日來來回回電話之後,
間舖好好人話過來pick up 返焗爐!!! 仲 refund 比我呢 ~~~

我聽完之後開心到即刻去買另一個焗爐...
今次有做下功課仔ga~
它就係Tefal 26L, 依家買仲送麵包機!
到了三日, 我便焗了羊扒, 兩轉Cookie, Cream Brulee...
還未掌握到它的溫度!

所以朋友們要多多做我的白老鼠呀~~
在這感謝丫仔詳細分享"土豆" TOT-1280 的問題!
多謝你呀~